Almaty ákimi Baqytjan Saǵyntaevtyń tapsyrmasyn oryndaý maqsatynda «Almaty jastary 3.0» turǵyn úı baǵdarlamasy aıasynda 300-ge jýyq páter jas polıseılerge tómen paıyzben beriledi, dep habarlaıdy Egemen.kz Polisia.kz saıtyna silteme jasap.
– Jeńildetilgen bul nesıelendirýdiń ereksheligi – bastapqy tólem 10%-dy, nesıeniń maksımaldy somasy 18 mln teńgege deıingi somany quraıdy. Sonymen qatar, jyldyq paıyzdyq ústeme – 5%. 25 jylǵa beriledi. Bul jobaǵa 35 jasqa deıingi, tek áleýmettik jaǵynan osal qyzmetkerler ǵana emes, barlyq qyzmetkerlerdiń qatysa alatyndyǵyn atap ótken jón. Qazirgi ýaqytta barlyq sharttar men talaptar Almaty polıseıleriniń nazaryna usynyldy, sonymen qatar qyzyǵýshylyq tanytqan barlyq qyzmetkerler aqparatpen www.almaty-zhastary.kz saıtynda tanysa alady. Jeke baspana alýdyń mundaı múmkindigi jas polıseıler úshin qyzmettik mindetterin oryndaý úshin tamasha generator ekeni sózsiz, – dedi Kadr saıasaty basqarmasy bastyǵynyń orynbasary Oljas Myrzabekov.Aqparat kózi Polisia.kz saıtynda: https://polisia.kz/almatylyq-saqshylardyng-zhengildikpen-pater-alugha-mumkindigi-bar/