Almaty qalasyndaǵy «Ustazdar úıiniń» qyzmetkerleriniń kásipodaq jarnasy esebinen «Kedergisiz keleshek» jobasynyń aıasynda sábılik ómirine selkeý túsken balalar úıiniń tárbıelenýshilerine syılyqtar aparýdy, «Baqytty balalyq shaq», «Mektepke jol» aksııa sheńberinde áleýmettik jaǵdaıy tómen otbasyndaǵy oqýshylarǵa mektepke qajetti jabdyqtar alýǵa kómektesý – jyl saıyn uıymdastyrylatyn ıgi dástúrge aınalǵan.
Sonymen birge ınstıtýtta ardager ustazdarǵa qurmet kórsetý, jalpy ınstıtýtta uıymdastyrylatyn merekelik is-sharalarǵa materıaldyq qoldaý kórsetý jumystary da turaqty júzege asyp keledi. Osy oraıda ıgi isterge uıytqy bolyp júrgen «О́rleý» BAUO» AQ fılıaly Almaty qalasy boıynsha Pedagogıkalyq qyzmetkerlerdiń biliktiligin arttyrý ınstıtýtynyń Oqý jumysy jáne monıtroıngtik qyzmeti bóliminiń basshysy, bastaýysh kásipodaq uıymynyń jetekshisi Aıda Otynshına «Almaty kásipodaqtar odaǵy» aımaqtyq birlestiginiń «Kásipodaqqa eńbek sińirgen qaıratker» tósbelgisimen jáne Qurmet gramotasymen marapattaldy.