Senatorlar búgin aýqymdy ǵylymı zertteýlerdi respýblıkalyq bıýdjetten qarjylandyrýǵa múmkindik beretin zań qabyldady, dep habarlaıdy Egemen.kz.
Qujatta bul rette ǵylymı jáne ǵylymı-tehnıkalyq qyzmet nátıjelerin kommersııalandyrýǵa erekshe nazar aýdarylyp otyr. Ǵylymdy qarjylandyrý prosesteriniń ashyqtyǵy jónindegi talaptardyń esebinen saladaǵy sybaılas jemqorlyq táýekelderin azaıtý da mańyzdy másele.
"Qazaqstan Respýblıkasynyń keıbir zańnamalyq aktilerine ǵylym máseleleri boıynsha ózgerister men tolyqtyrýlar engizý týraly" zańda osy jáne basqa da birqatar jańalyqtar bar. Qujattyń bastamashylary da depýtattardyń ózderi.
«Qabyldanǵan zań ǵylym salasynda sybaılas jemqorlyq táýekelderin azaıtýǵa arnalǵan qosymsha quqyqtyq negizder qalyptastyrady. Ǵylymı jáne ǵylymı-tehnıkalyq qyzmet nátıjelerin kommersııalandyrýdyń jáne barlyq ǵylymı-zertteý jumysyn qarjylandyrýdyń ashyqtyǵyn qamtamasyz etedi. Sonymen qatar ulttyq ǵylymı keńester men Ulttyq memlekettik ǵylymı-tehnıkalyq saraptama ortalyǵynyń quziretteri naqtylanady. Ǵylym men tehnıkany damytýǵa úles qosqan ǵalymdardy áleýmettik qoldaý men kótermeleý de kózdelip otyr. Osy maqsatpen jyl saıynǵy «Úzdik ǵylymı qyzmetker» syılyǵyn berý qarastyrylǵan. Jalpy, bul zań elimizde ǵylym salasyn damytýǵa óziniń úlesin qosady dep senemiz», - dep atap ótti Senat Tóraǵasy Máýlen Áshimbaev.