2 naýryz kúni Almatydaǵy 5-perzenthanada bir áıel qaıtys boldy. Bul aqparatty Qoǵamdyq densaýlyq basqarmasy basshysynyń orynbasary Laýra Myrzaǵalı rastady, dep habarlaıdy Egemen.kz.
«Ana ólimi bolǵany ras. Bul Almatydaǵy 5-perzenthanada 2 naýryzda bolǵan. Qazir tergeý júrgizilip jatyr. Sot-medısınalyq saraptamasyn kútip otyrmyz. Ana ólimine qatysty problema aýrýhana basshylyǵy tarapynan ketken qatelikten, uıymdastyrý jumystaryna salǵyrt qaraýdan bolsa Qoǵamdyq densaýlyq basqarmasy atalǵan faktini nazardan tys qaldyrmaıdy, qatań shara qoldanatyn bolady», dedi Laýra Myrzaǵalı.
Sondaı-aq ol jemqorlyq týraly aqparat túspegenin aıtady.
«Eger tergeý barysynda anyqtalsa biz óz tarapymyzdan shara qoldanamyz. О́zderińiz bilesizder sheshiletin, aldyn alýǵa bolatyn, bolmaıtyn jaǵdaılar bolady. Sol sebepti barlyq jaǵdaıdy baqylaýda ustaımyz», dedi ol.