Búgin Aqtóbe qalasynda 312 atqyshtar dıvızııasy men K.Nokın dańǵylynyń qıylysynda jolaýshylar avtobýsy men jeńil kólik soqtyǵysty, dep habarlaıdy Polisia.kz.
«JAC» avtobýsynyń júrgizýshisi (jolaýshylarsyz) retteletin qıylystan ótý erejelerin buzyp, (baǵdarshamnyń qyzyl sıgnalyna ótip) «Toyota Fortuner» markaly avtokóligimen soqtyǵysty, «Toyota Fortuner» avtokóligi baǵytyn ózgertip, «Vaz-21074» markaly avtokóligimen soqtyǵysty. Jol apaty saldarynan «Toyota Fortuner» avtokóliginiń júrgizýshisi men jolaýshysy jáne dene jaraqattary bar avtobýstyń júrgizýshisi Aqtóbe qalasynyń Jedel medısınalyq járdem aýrýhanasyna jiberildi.Aqtóbe oblysynyń Polısııa departamenti jol qozǵalysy erejelerin saqtaý jáne joldarda qyraǵy bolý qajettigin eskertedi.