Atyraýda 7-8 naýryzda mas kúıde kólik júrgizgen eki áıel 7 jylǵa júrgizýshi kýáliginen aıyryldy, dep habarlaıdy Egemen.kz
Oblystyq polısııa departamenti baspasóz qyzmetiniń aqparatyna qaraǵanda, 7-8 naýryzda patrýldik polısııa qyzmetkerleri mas kúıde kólik basqarǵan 2 áıel ustalypty.
«Máselen, 7 naýryzda túngi saǵat 02:30 shamasynda Á.Moldaǵulova kóshesiniń boıynda «Toyota Ipsum» avtokóligi toqtatyldy. Tekserý kezinde atalǵan avtokóliktiń 40 jastaǵy júrgizýshisinen ishimdiktiń ıisi baıqalǵan. Al, 8 naýryzda tańǵy saǵat 05:30 shamasynda Vokzal mańy-5 shaǵyn aýdanynan toqtatylǵan «Toyota Camry» avtokóliginiń júrgizýshisi – 39 jastaǵy áıelden alkogoldik ishimdiktiń ıisi shyqqan», dep habarlady departamenttiń baspasóz qyzmeti.
Medısınalyq saraptamanyń korytyndysymen eki júrgizýshiniń de jeńil dárejedegi mas ekendigi anyqtaldy. Mas kúıde kólik basqarǵan júrgizýshilerge qatysty QR Ákimshilik quqyqbuzýshylyq týraly Kodeksiniń 608-babymen ákimshilik hattama toltyrylyp, sot sheshimimen 7 jylǵa júrgizýshi quqyǵynan aıyryldy.