Jarnamadan paıda tabatyn reseılik blogerler úshin jeke tabys salyǵyn tóleý talap etilýi múmkin, dep habarlaıdy Egemen.kz
«Vedomostı» basylymy atap ótkendeı, Reseıdiń sıfrlyq damý, baılanys jáne buqaralyq aqparat quraldary mınıstrliginiń usynysyn aqparattyq tehnologııalar ındýstrııasyn damytý maqsatynda kórsetilgen.
«О́zgeris federaldy zańda bekitilýi kerek, onyń jobasyn osy jyldyń ortasyna deıin reseılik IT-ındýstrııany qoldaý sharalarynyń tizimine sáıkes daıyndaý josparlanyp otyr», delingen habarlamada.
Sheteldik zańdy tulǵalardan basqa, Facebook, YouTube, Instagram, Twitter, TikTok sekildi áleýmettik jelileri úkimettiń bıýdjettik júıesine «blogtaryndaǵy jarnamadan túsetin kirister boıynsha blogerlerge salyqty» tóleýge mindetti bolady.
Mundaı qadam blogerlerden bıýdjetke túsetin kiristiń ósýine ákep soǵady.
BloggerBase zertteý kompanııasynyń málimetterine sáıkes, byltyr kórshiles elde tek vıdeoblogerler shamamen 18 mıllıard rýbl (108 mıllıard teńgeden astam) paıda tapqan. Jahandyq pandemııanyń áseri kontentke degen suranys pen ınternettegi jarnamanyń artýyna yqpalyn tıgizdi.
Ádette, sheteldik kompanııalardan jarnamaǵa tapsyrys qabyldaıtyn blogerler kóbine-kóp jeke shotyna aqsha qabyldaıdy. Qarajattyń basym kópshiligi dollar kartasymen nemese rýblmen esepteledi. Osy oraıda, memlekettiń qansha qarjy joǵaltatynyn naqty aıtý qıyn.
Rabıǵa MURAT