Somalı Densaýlyq saqtaý mınıstrliginiń qyzmetkerleri júretin avtokólik jolynda jarylǵysh qurylǵy iske qosyldy, dep habarlaıdy Egemen.kz Anadolu agenttigine silteme jasap.
Búgin Somalı astanasy Mogadıshoda terrorısterdiń áreketinen bir adam qaza taýyp, úsh adamdy jaraqattandy.
Bul týraly Anadolu agenttigi Afrıka respýblıkasynyń qaýipsizdik kúshteri taraqtan aqparatqa súıene otyryp habarlaǵan.
Jarylys 10 naýryz kúni tańerteń Karan aýdanynda boldy.
Terrorıster Densaýlyq saqtaý mınıstrliginiń qyzmetkerleri kólikpen júretin jolǵa jarylǵysh zat qoıǵan.
Jarylys bolǵan jerge qaýipsizdik kúshteriniń otrıadtary ornalastyryldy.
Ázirge eshqandaı lańkestik top jarylysty moıyndaǵan joq.
Álemdik buqaralyq aqparat quraldary jarylysty Ash-Shabab lańkestik uıymy jasaýy múmkin dep boljaıdy. Buǵan sebep, atalǵan uıym Somalıdegi qaýipsizdik kúshteri men beıbit turǵyndarǵa jıi shabýyl jasap kelgen.