«Qazaqtelekom» kompanııasynyń «TV+» tuǵyrnamasyn tanystyrýǵa arnalǵan is-shara barysynda Aqparat jáne qoǵamdyq damý mınıstri Aıda Balaeva vedomstvonyń túbegeıli jańa televızııalyq platforma qurý jónindegi jańa jobasyna baǵa berdi, dep habarlaıdy Egemen.kz
«Jańa televızııalyq platformanyń ashylýy – otandyq medıa saladaǵy aıtýly oqıǵa. Qoǵamǵa sapaly ári ashyq aqparat jetkizý – bizdiń qyzmet salasyndaǵy basty mindetterdiń biri. Sonyń ishinde, ásirese, jańa tele-platformanyń memlekettik tilge basymdyq beretini kóńil qýantady. Sondaı-aq jańa bastama – otandyq medıa salasynyń básekege qabiletin odan ary arttyrýǵa úlken serpin beredi dep senemin», dedi Aıda Balaeva.
Osy oraıda Aıda Balaeva osy jańa jobaǵa bastama kóterip, onyń iske asýyn qamtamasyz etip otyrǵan – «Samruq-Qazyna» Ál-aýqat qory men «Kazaqtelekom» kompanııasyna alǵysyn bildirdi.
«TV+» jańa teleplatformasy otandyq medıa naryǵyn damytý katalızatorlarynyń biri ǵana bolyp qalmaı, jas talantty avtorlardy elimizde jańa, barynsha sapaly kontent jasaý úshin únemi jumys isteýge yntalandyrady dep senemiz. Al olardyń kúsh-jigeriniń nátıjesi men kórsetkishi joǵary kórermen reıtıngi bolsyn», dedi mınıstr.
Budan ózge, vedomstvo basshysy Aqparat jáne qoǵamdyq damý mınıstrligi aldaǵy ýaqytta seriktestik jumysqa daıyn ekenin atap ótti.