Atyraý oblysynda byltyrǵy 27 naýryzdan beri 17,5 myń adam koronavırýs ınfeksııasyn juqtyrdy, dep habarlaıdy Egemen.kz.
Onyń ishinde 1073 medısına qyzmetkeri bar.
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, koronavırýs ınfeksııasyn juqtyrýdyń alǵashqy deregi byltyrǵy 27 naýryzda tirkelipti. Sol kúni 3 adamnan qaýipti vırýs anyqtalǵan.
«Atyraý oblysynda Sovid-19 pandemııasy bastalǵaly beri 17,5 myńnan astam turǵyn qaýipti vırýsty juqtyrdy. Onyń ishinde 1073 medısına qyzmetkeri bar. Arnaıy komıssııanyń sheshimimen 777 qyzmetkerge 2 mıllıon teńge kóleminde ótemaqy tólendi. О́kinishke oraı, 14 medısına qyzmetkeri kásibı mindetin oryndap júrip, koronavırýs ınfeksııasyn juqtyrǵannan qaıtys boldy. Qaıtys bolǵan áriptesterimizdiń týystaryna 10 mıllıon teńgeden astam ótemaqy tólendi» dedi oblystyq densaýlyq saqtaý basqarmasynyń basshysy Ashan Baıdýálıev.
Onyń aıtýynsha, munaı kompanııalarynyń demeýshiligimen 60 mıllıon teńge kóleminde kómek kórsetilip, komıssııanyń sheshimimen 260 medısına qyzmetkerine tólenipti.