Qazaqstan áıelder kúshteri Alıansynyń uıymdastyrýymen «Pandemııadan keıingi kezeńdegi áıelder úshin jańa múmkindikter» atty dóńgelek ústel ótti. Jıyn barysynda jýrnalıster arasynda ótken Mıra Mýstafına atyndaǵy qoǵamdyq syılyqtyń jeńimpazdary marapattaldy. Baıqaýda Egemen Qazaqstan basylymynyń jýrnalısteri arnaıy júldege ıe boldy.
Syılyq qazaqstandyq áıelderdiń ómir súrý sapasy men áleýmettik rólin arttyrý, genderlik teńdik, otbasylyq máselelerin jarııalaýǵa úlken úles qosqan tanymal qazaqstandyq jýrnalıst Mıra Mýstafınanyń qurmetine berildi. Mundaǵy maqsat – qoǵamdaǵy áıelderdiń mártebesin jan-jaqty qamtý arqyly olardy kóterý, reprodýktıvti densaýlyq pen qyzdar men áıelderdiń ómir súrý sapasynyń ózekti máselelerin sheshý joldaryn usyný, zorlyq-zombylyqtyń barlyq túrlerin joıý, aqparatty nasıhattaý. Qazaqstan Respýblıkasynda otbasylyq jáne genderlik saıasatty iske asyrý.
Mıra Mýstafına atyndaǵy baıqaýǵa Qazaqstannyń barlyq aımaqtarynan 45 ótinim jáne 100-den astam qazaq jáne orys tilderindegi jumystar kelip tústi. 2021 jyldyń 3 aqpany men 2021 jyldyń 3 naýryzy aralyǵynda Mıra Mýstafına atyndaǵy syılyqqa konkýrs ótti. Syılyqqa Qazaqstan Respýblıkasynda jumys isteıtin jáne eldegi áıelder halqynyń ózekti máselelerin, qyzdar men áıelderdiń ómir súrý sapasyn, sondaı-aq otbasylyq-genderlik saıasatty iske asyrý taqyryptarynda jarııalanymdary bar jýrnalıster qatysty. Maqalalar qazaq jáne orys tilderinde qabyldandy. Qazylar alqasynyń daýys berýimen:
Qazaqstandaǵy áıelderdiń mártebesin kóterýge qosqan úlesi úshin Raısova Zýlfııa,
Qazaqstandaǵy áıelder densaýlyǵyn saqtaýǵa qosqan úlesi úshin Sadyqova Nelıa («Karavan» gazeti),
«2021 jylǵy úzdik BAQ: Qazaqstan Respýblıkasyndaǵy otbasylyq jáne genderlik saıasatty iske asyrýǵa qosqan úlesi úshin» Shibikeeva Aıdana (Informburo.kz) Mıra Mýstafına syılyǵynyń jeńimpazdary bolyp tanylsa, Móldir Bolatqyzy (Manshuq, Holanews), Hametjanova Aınash (Tengrinews, Idoctor), «Egemen Qazaqstan» gazeti tilshileri Aınash Esaly, Aıa О́mirtaı, Alısa Masaleva («Ońtústik Qazaqstan» gazeti), Angela Lı («Kaspıı mańy kommýnasy» gazeti) qazylar alqasynyń arnaıy júldesin ıelendi.
Egemen Qazaqstan gazetiniń «Áıel álemi» arnaıy beti tilshiler Aınash Esaly men Aıa О́mirtaıdyń daıyndaýymen bir jyldan beri turaqty júrgizilip keledi. Arnaıy bette áıel quqyǵy men genderlik teńdik taqyrybyna qatysty materıaldar jaryq kóredi.
Mıra Mýstafına syılyǵyn Qazaqstan Áıelder Kúshteri Alıansy «Bıonorıka Kaz» JShS farmasevtıkalyq kompanııasynyń qoldaýymen uıymdastyrdy. Mıra Mýstafına – tanymal qazaqstandyq jýrnalıst, ol ómir súrý sapasyn jaqsartý jáne qazaqstandyq áıelderdiń áleýmettik róli, genderlik teńdik jáne otbasylyq máselelerdi sheshýge úlken úles qosty. Qazaqstan áıelder kúshteriniń alıansy – bul barlyq oblystardan 140-tan astam ÚEU kiretin eń iri úkimettik emes áıelder qaýymdastyǵy.