Elordanyń bas memlekettik sanıtarlyq dárigeri bıyl qalada naýryz merekesi toılanbaıtynyn málimdedi, dep habarlaıdy Egemen.kz
Qalanyń bas sanıtary Sarhat Beısenovanyń aıtýynsha, naýryz meıramyn jappaı toılaýǵa tyıym salyndy. Sebebi indettiń taralýyna shekteý qoıý maqsatynda buqaralyq is-sharalarǵa shekteý qoıylǵan.
«Qala turǵyndary sanıtarlyq sharalardy qatań saqtaýǵa tıis. Demalys, mereke kúnderi monıtorıngtik toptardyń jumysy kúsheıtiledi. Adamdar kóp jınalatyn oryndarǵa barýdyń, betperdesiz júrýdiń naýqas adamdarmen baılanysta bolýdyń sońy azamattardyń densaýlyǵyna keri áser etedi. Osyny qaperde ustaý qajet», dedi Nur-Sultan qalasynyń bas memlekettik sanıtarlyq dárigeri.
Aıta keteıik, 10 naýryzdan bastap Nur-Sultan qalasy epıdemııalyq jaǵdaıdy baǵalaý matrısasy boıynsha «Qyzyl aımaqqa» endi.
«Pandemııa bastalǵannan beri Nur-Sultanda koronavırýs juqtyrýdyń 26 124 jaǵdaıy tirkeldi. Búginge deıin 24 myń 309 naýqas jazyldy», dedi Sarhat Beısenova.