14 naýryzda Katardyń bas shahary – Dohada ústel tennısinen Olımpııa oıyndarynyń irikteý týrnıri bastalady. Bul jarysta erler arasynda 78 jáne áıelder saıysynda 63 oıynshy baq synaıdy, dep habarlaıdy Egemen.kz
Jarys eki kezeńnen turady. Sonyń qorytyndysy boıynsha erler básekesinde aldyńǵy lekten kóringen tórt jáne áıelder saıysynda daralanǵan bes tennısshi Tokıo Olımpıadasynda óner kórsetý qurmetine ıe bolady. Birden aıta keteıik, Dohadaǵy dodaǵa Qytaı, Japonııa, Ońtústik Koreıa jáne Germanııa sekildi azýly komandalar qatyspaıdy. О́ıtkeni, olar alǵa qoıǵan maqsattaryna áldeqashan qol jetkizgen.
Irikteý týrnırinde Qazaqstannyń týy astynda Kırıll Gerasımenko, Aıdos Kenjeǵulov, Anastasııa Lavrova, Záýresh Aqsheva syndy sportshylar óner kórsetedi.