Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi elimizdegi dıplomatııalyq mıssııasynyń aıaqtalýyna oraı Nur-Sultan qalasyndaǵy EQYU Baǵdarlamalar ofısiniń basshysy Derd Sabony qabyldady, dep habarlaıdy Egemen.kz Syrtqy ister mınıstrliginiń baspasóz qyzmetine silteme jasap.
Kezdesý barysynda suhbattastar halyqaralyq qaýipsizdiktiń ózekti máseleleri men Uıym aıasyndaǵy áskerı-saıası, ekonomıkalyq-ekologııalyq jáne adamı ólshemderdegi odan ári ózara is-qımyl jóninde pikir almasty. Prezıdent Qasym-Jomart Toqaevtyń «halyq únine qulaq asatyn memleket» tujyrymdamasy aıasynda qolǵa alynǵan demokratııalyq reformalary jeke talqylandy.
Dıplomattar Qazaqstan múddeleri turǵysynan ofıstiń jobalaryn ilgeriletýge taraptardyń beıildiligin rastady.
Kezdesý qorytyndysy boıynsha syrtqy saıası vedomstvosynyń basshysy D.Saboǵa elimizdiń halyqaralyq uıymmen yntymaqtastyǵyn nyǵaıtýǵa qosqan úlesi úshin Qurmet gramotasyn tabys etti.