Aqtaýdaǵy «Volna» bazarynda órt shyqty, dep habarlaıdy Egemen.kz Mańǵystaý oblysy Tótenshe jaǵdaılar departamentiniń baspasóz qyzmetine silteme jasap.
«5-inshi shaǵynaýdanda ornalasqan saýda ornyndaǵy órt týraly aqparat saǵat 02:58-de kelip tústi. Jalpy aýdany 400 sharshy metr bolatyn halyq tutynatyn taýarlar satylatyn 21 saýda ornynda órt shyqqan. Bazardyń jalpy aýmaǵy -1300 sharshy metr, negizinen jemis-jıdek pen kókónis satatyn saýda oryndaryna zalal kelgen», delingen habarlamada.
Departament málimetinshe, órt saǵat 04:19-da aýyzdyqtalyp, saǵat 04:45-te tolyq sóndirilgen. Qaza bolǵandar men zardap shekkender joq. О́rtti aýyzdyqtaýǵa 67 maman men 24 tehnıka jumyldyrylǵan. О́rttiń shyǵý sebebi anyqtalyp jatyr.