Qyzylordalyq Oljas Aqseıitov memleketten qoldaý taýyp, jas kásipkerlerdiń qataryna qosyldy. Múmkindigi shekteýli jas peıntbol sport ortalyǵyn ashyp, zamandastarynyń salaýatty ómir saltyn ustanýyna jaǵdaı jasaýda.
Osydan 8 jyl buryn jumys barysynda oqys oqıǵaǵa kıligip, moıyn omyrtqasynan zaqym alǵan ol birinshi top múgedegi atanǵan. Alaıda, taǵdyr tezine moıymaǵan jas hobbıyn qolǵa alyp, óz maqsatyna jetti.
Jas kásipker 2020 jyly sport ortalyǵyn ashý úshin «Bıznes-Mektep» quraly boıynsha oqý kýrsynan ótti. «Bıznestiń jol kartasy-2025» bıznesti qoldaý men damytýdyń memlekettik baǵdarlamasy aıasynda «Sport klýbtarynyń qyzmeti» jobasy boıynsha 2 mln teńgeniń grantyn jeńip alǵan.
Sport ortalyǵynda kelýshi jastar peıntbol ekstremaldy oıynymen aınalysady. Qala turǵyndarynyń salaýatty ómir saltyn saqtap, sportpen shuǵyldanýǵa múmkindik beretin jańa ortalyq jastardyń sportqa degen qyzyǵýshylyǵyn arttyrýda.