2021 jylǵy 15-26 naýryz aralyǵynda AQSh-tyń Nıý-Iork qalasyndaǵy BUU Shtab-páterinde «gıbrıdti formatta» Áıelder jaǵdaıy jónindegi komıssııanyń (ÁJK) 65-shi sessııasy ótýde.
Sessııa taqyryby – «Áıelderdiń qoǵamdyq ómirge jáne sheshimder qabyldaýǵa jan-jaqty jáne tıimdi qatysýy, sondaı-aq genderlik teńdikke qol jetkizý úshin zorlyq-zombylyqty joıý jáne áıelder men qyzdardyń rólin kúsheıtý».
Áıelder jaǵdaıy jónindegi komıssııanyń (ÁJK) 65-shi sessııasy sheńberinde Mınıstrlik dóńgelek ústelinde Aqparat jáne qoǵamdyq damý mınıstri Aıda Balaeva beınebaıandama jasady. О́z sózinde A. Balaeva qazaqstandyq áıelderdiń qoǵamnyń ekonomıkalyq jáne saıası ómirindegi róli jáne olardyń jan-jaqty damýy úshin jasalyp jatqan jaǵdaılar týraly aıtyp berdi. Mınıstr erler men áıelderdi teń jumyspen qamtýǵa qol jetkizý, genderlik aǵartýdy ilgeriletý, aýyldaǵy áıelderdi qoldaý, balalar men áıelderge qatysty otbasyndaǵy zorlyq-zombylyqtyń aldyn alý úshin únemi memleket sharalar qabyldap otyrǵandyǵyn jetkizdi.
«2023 jylǵa deıin Mınıstrlik óńirler, qalalar men aýdandar bólinisinde jumyspen qamtý, barlyq áıelderdiń bazalyq áleýmettik qyzmetterge qoljetimdiligi, memlekettik qoldaýdyń túrli sharalary bóliginde genderlik qajettilikter kartasyn ázirlep, qoldanysqa engizetin bolady», dep atap ótti Aıda Balaeva.
Máselen, 2020 jyly Qazaqstanda zańǵa túzetýler engizildi, onda partııalyq tizimder keminde 30%-ǵa áıelder men jastardan turýy tıis dep jazylǵan.
«Búgingi tańda elimizde memlekettik qyzmette basshylyq laýazymdardy atqaratyn áıelderdiń úlesi shamamen 40%-dy, sot organdarynda – 53%-dy, qoǵamdyq keńesterdiń qyzmetinde – 27,2%-dy quraıdy», dedi A.Balaeva.
Sondaı-aq ÁJK 65-shi sessııasynyń jumysyna Parlament Májilisiniń depýtaty, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy L.Ramazanova, QR Ishki ister mınıstri E.Turǵymbaev qatysýda.
Jalpy, dóńgelek ústel jumysyna álemniń 20 eliniń ókilderi qatysty. Olardyń ishinde: Kolýmbııanyń vıse-prezıdenti Marta Lýsııa Ramırez, Italııanyń Teń múmkindikter jáne otbasy mınıstri Elena Bonettı, Kenııanyń Memlekettik qyzmet jáne gender mınıstri Margaret Kobııa, BAÁ Qoǵamdyq damý mınıstri Gessa Bınt Essa Býhýmaıd jáne basqalar.
Esterińizge sala keteıik, Áıelderdiń jaǵdaıy jónindegi Komıssııa — BUU Ekonomıkalyq jáne áleýmettik Keńesi janyndaǵy qosalqy qurylymdardyń biri. Komıssııa 1995 jyly Áıelderdiń jaǵdaıy jónindegi dúnıejúzilik konferensııada qabyldanǵan Beıjiń is-qımyl tuǵyrnamasynda aıqyndalǵan problemalardyń progresin qadaǵalaıdy.