16 naýryz kúni saǵat 14.00-de Túrkistan oblysy TJD kezekshi-dıspetcherlik qyzmetiniń pýltine eki kún buryn mal izdep shyqqan 1980 jyly týǵan er adamnyń joǵalǵany týraly habarlama tústi. Bul týraly QR TJM resmı ókili Talǵat Ýálı habarlady.
Izdestirý-qutqarý jumystaryna Túrkistan oblysy TJD (11 qyzmetker men 1 birlik tehnıka, Polısııa departamentiniń kúshteri men quraldary (1 qyzmetker) jáne joǵalǵan adamnyń týystary (3 adam) jumyldyryldy.
16 naýryzda saǵat 15.10-da qutqarýshylar er adamdy joǵalyp ketken orynnan eki shaqyrym jerde Kókkóz aýylynan taýyp aldy. Ol tereńdigi 3 metr qudyqqa túsip ketip, ózdiginen shyǵa almaǵan eken.
Qutqarýshylar tez arada er adamdy qutqarýǵa kiristi. Olar qutqarý jibiniń kómegimen er adamdy qudyqtan alyp shyqty. Er adam medısnalyq kómekke muqtaj emes.