Atyraý munaı óńdeý zaýytynda 65 mln eýronyń jobasy qolǵa alynyp, sýtek pen azot óndiriledi, dep habarlaıdy Egemen.kz
Osyǵan baılanysty «QazMunaıGaz» UK» AQ men «Air Liquide» kompanııasy (Fransııa) Atyraý munaı óńdeý zaýytyna óndiristik tehnıkalyq gazdardy jetkizý týraly kelisim jasady. Bul jobany «Er Lıkıd Munaı Teh Gazy» JShS birlesken kásiporny júzege asyrady.
«Uzaq merzimdi kelisimshart aıasynda jyl saıyn 200 mln tekshe metr sýtek pen 50 mln tekshe metr azot óndirý josparlanyp otyr.
Sonymen qatar, atalǵan kelisim sıfrlyq tehnologııalardyń transfertin, qýatty tutynýdy ońtaılandyrý, jabdyqtyń tehnıkalyq beriktigi men óndiris tıimdiligin arttyrýdy kózdeıdi. Bul úshin sýtek pen azot óndirý qondyrǵylary Brıýsseldegi (Belgııa) zııatkerlik jáne ınnovasııalyq ortalyqqa qosylatyn bolady. «Air Liquide» ınvestısııasynyń jalpy kólemi 86 mln eýrony quraıdy. Onyń ishinde 65 mln eýro Atyraý munaı óńdeýzaýytyndaǵy jobaǵa jumsalady», dep habarlady «QazMunaıGazdyń» baspasóz qyzmetinen.