Búgin oblys ákimi Mahambet Dosmuhambetov Isataı aýdanynyń jurtshylyǵyna jańa ákimdi tanystyrdy. Bul laýazymǵa Prezıdent Ákimshiligi men aýdandyq máslıhat depýtattarynyń kelisimine sáıkes, oblys ákiminiń ókimimen Polymbet Hasanov taǵaıyndaldy, dep habarlaıdy Egemen.kz
Polymbet Maksımuly 1980 jyly Inder aýdanynda dúnıege kelgen. Bilimi joǵary, Qazirgi zamanǵy gýmanıtarlyq ýnıversıtetin «Zańger» mamandyǵymen bitirgen.
2002-2005 jyldary oblystyq ishki ister organynda jumys istegen. 2005-2006 jyldary kásipkerlik jáne ónerkásip departamentinde bas maman, 2006-2010 jyldary oblys ákimi apparatynda bas maman, oblys ákimdiginiń bas ınspektory, 2010-2014 jyldary Maqat aýdany ákimi apparatynyń basshysy, aýdan ákiminiń orynbasary bolǵan.
2014 jyly oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary, 2014-2019 jyldary Atyraý qalasy ákimi apparatynyń basshysy, keıinnen Atyraý qalasy ákiminiń orynbasary, 2019 jyldan beri oblys ákimi apparaty basshysynyń orynbasary qyzmetin atqardy.