Qyzylorda oblysy Shıeli aýdanynda eki jasóspirim kóldegi sýǵa batyp qaıtys boldy, dep habarlaıdy Egemen.kz
Shıeli aýdandyq polısııa bólimine habar kelip, aýdandyq jedel járdem bólimi mamandary telefon arqyly oqıǵa barysy jóninde habarlaǵan. Qaıǵyly oqıǵa búgin saǵat 12:45 shamasynda boldy.
«Atalǵan habarlama boıynsha jedel-tergeý toby oqıǵa ornyna baryp tekserý júrgizdi. Zertteý barysynda 2013 jylǵy ul bala men 2015 jylǵy týylǵan qyz balanyń úıine 5-8 metr jerde ornalasqan «Súıindik» qóliniń ústindegi muzda oınap júrip, sýǵa batyp qaıtys bolǵany anyqtaldy. Jergilikti ýaqytpen 12 saǵat 55 mınýtta turǵyndar sýdan máıiti (kıimmen) shyǵardy. Qaıǵy jamylǵan otbasyna aýdan ákimdigi tarapynan materıaldyq kómek kórsetiletin bolady», dedi Shıeli aýdandyq ákimdiginiń ókili.