Túrkistan oblysynyń polıseıleri 1 jarym tonna qııar urlamaq bolǵan kúdikti azamatty qylmys ústinde ustady, dep habarlaıdy Polisia.kz.
Ordabasy APB-ne jergilikti turǵyn aryzdanyp keledi. Onyń aıtýynsha, belgisiz adamdar túngi ýaqytta jylyjaıda ósip turǵan qııaryn jymqyrmaq bolǵan. Qııardyń salmaǵy 1500 kelini qurap, jábirlenýshige 1 mıllıon 500 myń teńge shyǵyn kelgen. Atalǵan jaıtty polısııa qyzmetkerleri QR QK-niń 188-baby (Urlyq) boıynsha SDTBT-ǵa tirkedi. Oryn alǵan oqıǵa boıynsha tájirıbeli tártip saqshylarynan jedel tergeý toby qurylyp, qylmystyq isti ashý maqsatynda birden iske kiristi. Urlyq bolǵan aımaqty bir sholyp shyǵyp, aınaladaǵy beınebaqylaý kameralaryn muqııat qarap, kúdikti bolyp kóringen azamattardan túsinik aldy. Nátıjesinde osy jaıtqa qatysy bar О́zbekstan Respýblıkasynyń azamaty qylmys ústinde ustalyp bólimshege jetkizildi.
Tergeý barysynda kúdikti jas azamattyń qııar ósiretin jylyjaıda jumys isteıtini belgili boldy. Sondaı-aq polıseıler kúdikti azamattyń qylmysqa qatysy bar tórt sybaılasy baryn anyqtady. Olarda ózge eldiń azamattary. Kúdiktiler salmaǵy bir jarym tonna bolatyn qııardy jeke-jeke qapqa salyp satpaq bolǵan. Qazirgi tańda tórt sybaılasqa qatysty izdestirý amaldary júrgizilýde.
Búgingi tańda kúdiktige qatysty sotqa deıingi tergeý amaldary jalǵasýda.