Almatydaǵy Memlekettik Ortalyq mýzeıinde mýzeı qorynda qalpyna keltirilgen kilem jáne toqyma buıymdarynyń negizinde «Masatydaı qulpyrǵan...» kilemder kórmesi ashyldy, dep habarlaıdy Egemen.kz
«Masatydaı qulpyrǵan...» kórmesin elimizdiń ońtústik, soltústik jáne batys óńirleri dástúrine saı toqylǵan, kórkemdik-tarıhı mańyzy joǵary biregeı qazaq kilemderiniń mýzeı qoryndaǵy biregeı kolleksııasy usynylyp otyr. Qalpyna keltirilgen kilem jáne toqyma buıymdary mýzeı qorynda uzaq jyldar boıy saqtalýynyń syry ulttyq jádigerlerge jańa tynys berip, kórkemdigin qalpyna keltirgen mýzeı restavratorlarynyń kásibı sheberligimen tyǵyz baılanysty.
Ortalyq mýzeıdegi qalpyna keltirý bóliminiń otyz bes jyldyq tarıhy bar. Negizi 1986 jyly qalanǵan bólimniń qalyptasýyna uzaq jyldar boıy osy salada eńbek etken tájirıbeli mamandardyń tarıhı-mádenı eskertkishterdi jańǵyrtý, qalpyna keltirýdiń qyr-syryn, tásilderin ıgerýdegi atqarǵan eńbekteri zor.
Ortalyq mýzeıdiń qoǵammen baılanys mamandarynyń derekteri boıynsha, tarıhı-mádenı artefaktilerdi qalpyna keltirý jumystary tarıhı, mádenı, mýzeılik mańyzy bar mýzeı zattarynyń buzylýynyń aldyn alýǵa, sondaı-aq olardy uzaq ýaqyt saqtaýdyń ońtaıly jaǵdaılaryna qol jetkizý Memlekettik Ortalyq mýzeıi qyzmetiniń mańyzdy baǵyttarynyń biri deıtin bolsaq, mýzeı qorynda saqtalyp kelgen mýzeılik buıymdar men zattardyń jaı-kúıi jáne olardyń ármen qaraıǵy «ómiri» qalpyna keltirý (restavrasııa) jumystarynyń qanshalyqty jolǵa qoıylǵandyǵymen baılanysty.
Mýzeıde qazirgi kezde mýzeıde keskindeme, grafıka, qysh, mata buıymdary, kilem-kıiz, t.b. qundylyqtar túrleri boıynsha mamandanǵan 8 biliktiligi joǵary sýretshi-qalpyna keltirýshi jumys isteıdi.
Kórmeniń maqsaty mýzeıi qory negizinde qazaq halqynyń kilem jáne toqyma buıymdarynyń tirshilik qamy fýnksııasyn, sonymen qatar, olardyń jasalý materıaldary men tehnıkasyn, qoldanys aıasyn, sharýashylyq, turmystyq jáne de dástúrli kilem toqý mádenıetiniń alýan túrliligin kórsetý bolyp tabylady. Sondaı-aq, elimizdiń ulttyq mádenı ıgiligi bolyp tabylatyn atalmysh qundylyqtardy jandandyrýdaǵy qalpyna keltirýshilerdiń kúrdeli jumystarymen tanystyrý. Kórmege kelýshiler mýzeı jumysynyń túrli qyrlary men «qupııalaryn», mýzeılik zattardy qalpyna keltirýdegi barlyq kúrdeli ári kópsatyly jumys barysyn tamashalaı alady. Ári elimizdiń ár óńirindegi kilemderdiń sıpatyn, stılin jáne jasaý tehnıkasyn salystyryp qana qoımaı, sonymen qatar, qazaq kıiz úıiniń jabdyqtary men ıntereriniń sanalýan túrlerin kórýge múmkindik týyp otyr.