Oral qalasynda naýryz merekesi qarsańynda toǵyz qabatty úı paıdalanýǵa berilip, 180 otbasy baspanaly boldy dep habarlaıdy Egemen.kz.
Oblys ortalyǵynyń soltústik-shyǵys aýdanynda «Nurly jer» baǵdarlamasy aıasynda salynǵan bul úı «Shańyraq» pılottyq jobasy boıynsha berilgen alǵashqy ǵımarat. Turǵyn úı kezeginde turǵan azamattar «Otbasy bank» salymshysy retinde jańa baspanaǵa qol jetkizip otyr. Bul baǵdarlama boıynsha berilip otyrǵan alǵashqy turǵyn úı kesheni.
- «Shańyraq» pılottyq jobasynyń ereksheligi – «Otbasy bank» salymshysy 10% alǵashqy jarnamen 20 jylǵa 5%-dyq ústemaqymen úı ala alady. Bul baǵdarlamaǵa qatysý úshin mindetti túrde úı kezeginde tirkelý kerek jáne sońǵy alty aı ishindegi tabysty rastaýdy qajet etedi. Qazirgi tańda turǵyn úıdiń naryqtaǵy baǵasy sharshy metr úshin 175980 teńge, al paıdalanýǵa berilgen turǵyn úıdiń baǵasy sharshy metr úshin 140 myń teńgeni qurap otyr. Bul turǵyn úı kezeginde turǵan jandar úshin óte qolaıly baǵdarlama boldy dep aıta alamyn. О́ıtkeni qazan aıynda ǵana engizilgen baǵdarlama qazirdiń ózinde júzege asa bastady, - dedi Oral qalasy boıynsha turǵyn úı jekeshelendirý sektorynyń meńgerýshisi Shaıhıev Erlan.
Bir jyldyń ishinde paıdalanýǵa berilgen jańa turǵyn úıdiń jalpy aýmaǵy 10221,84 sharshy metr. Oral qalasynyń soltústik-shyǵys aýdany jyldan-jylǵa kórkeıip, qarqyn alyp keledi. Jańa áleýmettik nysandar kóptep boı kóterýde. О́ńir basshysynyń aıtýynsha, bolashaqta taǵy da mektep pen balabaqshalar salynbaq.
- Ulystyń uly kúni áz Naýryz meıramymen quttyqtaımyn. Shańyraqtaryńyzǵa qut pen bereke tileımin. Mereke qarsańynda turǵyndardyń qýanyshyna ortaqtasyp, «qutty bolsyn» aıtýǵa arnaıy keldik. Úıdiń sapasyna qatysty aıtar usynys-pikirlerińizdi tyńdaýǵa árdaıym daıynbyz, - dedi Batys Qazaqstan oblysynyńákimi Ǵalı Esqalıev meıram aldynda baspanaly bolǵan Tımýr Bısenǵalıevtiń shańyraǵyna bas suǵyp.
О́ńirdegi epıdemııalyq ahýal qyzyl aımaqqa enýine baılanysty jańa úıdiń kilti ádettegideı saltanatty jaǵdaıda tapsyrylmaǵan edi. О́ńir basshysyn óz úıignde qarsy alǵan Tımýr Bısenǵalıev polısııa qyzmetkeri eken.Úsh balanyń ákesi 2002 jyldan beri páter jaldap kelgen.Jas otbasy 2008 jyldan bastap úı kezegine turǵan eken. Bıyl «Shańyraq» baǵdarlamasy boıynsha eki bólmeli páterge qol jetkizip otyr.
Aıta ketelik, búginde óńirde ár sanat boıynsha 21 myńǵa jýyq adam turǵyn úı kezeginde tur.