Júzýden Túrkııada ótip jatqan halyqaralyq týrnırdiń ekinshi jarys kúni aıaqtaldy. Egemen.kz Olympic.kz saıtyna silteme jasaı otyryp qazaqstandyq sportshylardyń nátıjesimen tanystyrady.
100 metrge shalqalap júzýden Ádil Qasqabaı tórtinshi oryn ıelendi. Áıelder arasyndaǵy osy qashyqtyqta Anastasııa Rezanseva alǵashqy tórttike engen.
Olımpıada chempıony Dmıtrıı Balandın 200 metrge «brass» ádisimen júzýde top jardy. Ol atalǵan qashyqtyqty 2 mınýt 10.11 sekýndta júzip ótti.
50 metrge erkin ádispen júzýde Aleksandr Varakın top jarsa, 200 metrge «batterflıaı» ádisimen júzýde Ádilbek Mýsın besinshi orynǵa taban tiredi.
Eske sala keteıik, jarystyń alǵashqy kúninde qazaqstandyq sportshylar tórt medal jeńip alǵan bolatyn.