Búgin Shymkentte Naýryz merekesi kúni «Taza tabıǵat» ekologııalyq jalpyulttyq jobasy aıasynda aǵash otyrǵyzý aksııasy ótti. Qaladaǵy «Nursát» turǵyn alabyndaǵy «Astana» alleıasynda ótken aǵash otyrǵyzý sharasyna qala turǵyndarymen birge qala ákimi Murat Áıtenov qatysty.
Barsha turǵyndardy Ulystyń Uly kúni Naýryz meıramymen quttyqtaǵan qala basshysy ár jyly Naýryz merekesin kógaldandyrý men tazartýdan bastaýdy dástúrge aınaldyrý qajet ekenin aıtty.
Aksııa barysynda atalǵan alleıaǵa ózimizdiń dendrosaıabaqta ósip jetilgen 250 arsha kóshetteri otyrǵyzyldy. Osylaısha, Prezıdenttiń orman alqaptarynda 2 mlrd, eldi mekenderde 15 mln aǵash otyrǵyzý týraly tapsyrmasyn oryndaý bastaldy.
Igi is-sharaǵa turǵyndar, ardagerler, jastar jalpy sany 50-ge jýyq adam qatysty.
Jalpy Shymkent qalasynda 6 mıllıonǵa jýyq jasyl jelek bar. О́tken jyly 2021-2025 jyldarǵa arnalǵan «Jasyl beldeý» qalyptastyrýdyń jospary bekitilgen. Jospar boıynsha 6,5 mln túp aǵash otyrǵyzylatyn bolady. Osylaısha, qaladaǵy aǵash qory eki esege artady.