«Bozoq» memlekettik tarıhı-mádenı mýzeı-qoryǵy el Táýelsizdiginiń 30 jyldyǵyna jáne Naýryz merekesine oraı «Naýryz – Qazaqstan halqynyń rýhanı birligi merekesi» atty is-shara ótkizdi.
Jıynǵa EUÝ L.N. Gýmılev K.A. Aqyshev atyndaǵy arheologııa ǴZI dırektory, t.ǵ.k. M.K. Habdýlına, Memleket tarıhy ınstıtýty dırektorynyń birinshi orynbasary, t.ǵ.d., professor B. Ǵ.Aıaǵan, Aqmola oblysy mádenıet basqarmasynyń Málik Ǵabdýlın atyndaǵy mýzeıdiń dırektory K.R.Myrzabek, Aqmola oblysy Selınograd aýdanynyń mádenıet jáne tilderdi damytý bólimi ártisteri qatysty.
Naýryz – bul kún kúntizbesi boıynsha jańa jyldyń alǵashqy kúni, ol kóptegen túrki mádenıetterinde 21 naýryzda, kóktemgi kún men túnniń teńesýi kúni bastalady. Naýryzdy toılaý dástúri ejelgi tarıhqa ıe, kóptegen halyqtar arasynda saqtalǵan jáne qazirgi jaǵdaıda óziniń mádenı-tarıhı mańyzdylyǵyn joǵaltqan joq. Bul jalpyadamzattyq qundylyqtardy bekitetin, qazir de qasterli sanalatyn salt-dástúrlerdi jańǵyrtatyn halyqtyq mereke.
Qazaq halqynyń otbasy men óskeleń urpaqtyń tárbıesimen baılanysty salt-dástúrleri – halyq danalyǵy, fılosofııa, dúnıetaný, adamgershilik murattary men dástúrli turmys-salt biriktirilgen onyń tarıhy men mádenıetiniń jarqyn kórinisteriniń biri. Olar ǵasyrlar boıy qalyptasyp, urpaqtar sabaqtastyǵy negizinde damydy.
Naýryz merekesinde balanyń alǵashqy qadamdarymen baılanysty «Tusaýkeser» rásimi ótkizildi. «Tusaýkeser» rásimin ótkizý Búrkitbaı Ǵelmanuly Aıaǵanǵa, ǵalymǵa qurmet belgisi retinde berildi, onyń izimen ádet-ǵurypqa sáıkes bala júrýi tıis.
Búrkitbaı Ǵelmanuly óz sózinde Naýryz meıramyn toılaý dástúri ejelgi tarıhqa ıe, kóptegen túrki halyqtarynda saqtalǵan, qazirgi jaǵdaıda óziniń mádenı-tarıhı mańyzdylyǵyn joǵaltpaǵanyn atap ótti. Ǵalym ulttyq kıimderdiń aıyrmashylyǵyn qyzyqty fakt dep sanaıdy. Qola, saq jáne túrki mádenıeti kezeńinen ata-babalarymyzdyń kıimderi oıý-órnektiń baılyǵymen, kóktemgi tústerdiń náziktigimen, maǵynalyq mazmunymen erekshelengen.
Habdýlına Maral Qalymjanqyzy mýzeı ujymyna Elbasy N.Á.Nazarbaev jáne akademııalyq arheologııanyń negizin qalaýshy K.A. Aqyshev bastamashy bolǵan jobany iske asyrýdaǵy naqty qadamdary úshin alǵysyn bildirdi.
Qudaıberdi Rahymbekuly Myrzabek búgingi kúni óskeleń urpaq úshin tárbıelik máni bar, qoǵamdy toptastyrýǵa baǵyttalǵan Naýryz meıramyn mazmundy ótkizýge memleket tarapynan úlken kóńil bólinetinin atap ótti.
«Bozoq» mýzeı-qoryǵynyń dırektory Sáýle Bókeıhanqyzy Býrbaevanyń aıtýynsha, «Bozoq» jobasyn iske asyrý halqymyzdyń baı etnografııasyn kórsetý úshin zor múmkindikterge ıe. Joba jetekshisi bul joba ǵalymdardy, tarıhshylardy, etnograftardy, ónertanýshylardy, dızaınerlerdi biriktiretinin atap ótti.
«Bozoq» mýzeı-qoryǵynyń dırektory
Sáýle Bókeıhanqyzy