Fransııada koronavırýstyń jańa jaǵdaılary men aýrýhanalardyń tolyp ketýine baılanysty ishinara karantın engizdi.
Shuǵyl jaǵdaılardy qospaǵanda úıden 10 km-den astam qashyqtyqta júrýge tyıym salynady. Kóptegen dúkender jabylǵan, aımaq aralyq qatynasqa tyıym salynǵan, azamattardan tek úıden jumys isteýin suralyp otyr.
Germanııa bıligi elde kem degende 18 sáýirge deıin qatań karantındik sharalardy saqtalýyn josparlap otyr. Jergilikti atqarýshy organ basshylarynyń aldyńǵy kezdesýi kezinde karantındi birtindep jeńildetý týraly sheshim qabyldanǵan bolatyn. Alaıda Germanııada koronavırýstyń jańa jaǵdaılarynyń kúrt ósimi baıqalǵan, dárigerler pandemııanyń úshinshi tolqyny týraly dabyl qaǵýda.
Polshada da indettiń órshýi baıqalǵan. 21 naýryzda elde COVID-19-tiń 21 849 jańa jaǵdaıy tirkelgen, bul bir apta burynǵy kórsetkishten 27% -ǵa artyq bolyp otyr. Polshanyń Densaýlyq saqtaý mınıstrligi barlyq jańa jaǵdaılardyń 80% -y brıtandyq shtammnan týyndaǵanyn aıtyp otyr.