Búgin, 2021 jylǵy 22 naýryzda Bangkok qalasynda (Taıland) VIII Azııa-Tynyq muhıty forýmy aıasynda "Volonterlik onjyldyqqa arnalǵan is-qımyldardy transformasııalaý strategııasy retinde" taqyrybynda paneldik dıskýssııa ótti.
Is-sharaǵa onlaın-formatta ZOOM alańyn qosý arqyly Qazaqstannyń Aqparat jáne qoǵamdyq damý vıse-mınıstri Bolat Tlepov qatysty. О́z sóziniń basynda Bolat Tlepov Azııa-Tynyq muhıty forýmyna qatysýshylardy merekemen quttyqtap, forýmnyń Qazaqstan men Ortalyq Azııa elderi úshin mańyzdy Naýryz meıramyn atap ótý kúnimen sáıkes kelip otyrǵanyn atap ótti. «Ejelgi dáýirden bastaý alǵan bul mereke jańarý kezeńin bildiredi. Bul dostyq, ózara syılastyq pen kelisimdi nyǵaıtýǵa úles qosatyn shyn mánindegi jalpyhalyqtyq mereke», - dedi Bolat Tlepov.
Vıse-mınıstr qatysýshylardyń nazaryn pandemııa álemniń tehnologııalyq dáýirde ómir súrip jatqanyna qaramastan, adamzattyń qanshalyqty osal jáne ózara táýeldi ekenin kórsetip otyrǵandyǵyna aýdardy.
Sóz sóıleý barysynda Bolat Tlepov volonterlerdiń elimizdiń qoǵamdyq ómirindegi róli jáne Qazaqstanda eriktiler qozǵalysyn damytý úshin memleket tarapynan jasalyp otyrǵan sharalaryn aıtyp berdi.
Atap aıtqanda, júrgizilip otyrǵan sharalar nátıjesinde, ol Qazaqstanda "Volonter jyly" aıasynda ótken 2020 jyldyń ózinde volonterlik uıymdar men toptardyń sany 3 ese, turaqty volonterler sany 4 ese, olardyń sany 200 myńnan astam adam óskenin habarlady.
"Pandemııamen kúres kezeńinde eriktiler qozǵalysyna 1 mıllıonǵa jýyq qazaqstandyq qosylyp, 1,5 mıllıonnan astam azamattarymyzǵa kómek kórsetildi", — dedi ol.
Sonymen qatar, Bolat Tlepov Qazaqstannyń halyqaralyq volonterlikti damytý boıynsha jumys júrgizip jatqanyn erekshe atap ótti.Yntalandyrý sharalarynyń biri - Qazaqstandaǵy Volonter jyly aıasynda qurylǵan "Jyl volonteri" halyqaralyq syılyǵy. О́tken jyly ony Qazaqstan, Reseı, Qyrǵyzstannan kelgen 48 belsendi volonter aldy. Budan basqa, búginde BUU júıesinde Qazaqstannan 71 volonter qyzmet etedi, onyń ishinde 42 áıel, onyń ishinde 7 volonter QR Aqparat jáne qoǵamdyq damý mınıstrligi men BǴDU arasyndaǵy áriptestik týraly Kelisim sheńberinde BUU-nyń túrli agenttikterine jiberilgen.
Bolat Tlepov Qazaqstan BUU BA qararynyń mátinine volonterlikti 2030 jylǵa deıingi kezeńge arnalǵan turaqty damý salasyndaǵy kún tártibin iske asyrýdyń ámbebap quraly dep taný týraly tarmaqty engizýge bastama jasaǵanyn eske saldy.Esterińizge sala keteıik, bul qarar BUU-ǵa múshe eldermen qoldaý taýyp, 2020 jyldyń jeltoqsanynda qabyldanǵan bolatyn.
Bolat Tlepov: "О́tken jyly Qazaqstan Prezıdenti Q.Toqaev BUU Bas Assambleıasynyń 75-shi sessııasynda eriktilerdi jumyldyrýdyń halyqaralyq jylyn jarııalaý týraly bastama kótergen bolatyn. Búgingi tańda BUU DB-men ony ilgeriletý, BUU-nyń tıisti qararyn daıyndaý boıynsha birlesken jumys júrgizilýde. Osyǵan baılanysty turaqty damý jónindegi Azııa – Tynyq muhıty forýmyna qatysýshy elderden Qazaqstannyń bastamasyn qoldaýdy jáne "qaıyrymdy ister" dúnıejúzilik ıdeıasyn iske asyrýdy suraımyz.
Anyqtama: Azııa-Tynyq muhıt forýmy damý máseleleri jónindegi óńirlik dıalogqa járdemdesý maqsatynda BUU-nyń Azııa men Tynyq muhıt elderine arnalǵan ekonomıkalyq jáne áleýmettik komıssııasynyń (ATMEÁK) aıasynda ótkiziledi.