Kınolog qyzmetin endi bastaǵan SQO Mamlıýt aýdany polısııa bóliminiń ınspektor-kınology Álibek Ýálıhanovty janýarlarmen jumys isteý bala kezinen qyzyqtyrǵan eken. Álibekke aımaqtaǵy eń tájirıbeli «tórt aıaqty polıseılerdiń» biri labrador-retrıver Amıgo tıgen. Ol esirtkini izdeý baǵdarlamasyna úıretilgen. Burynǵy kınolog basqa aýdanǵa aýysyp ketken soń sońǵy kezderi Amıgo májbúrli demalysta eken. Osy ıt Álibek Ýálıhanovqa berilgen edi.
Jýyrda jańa jupqa ózderiniń biliktiligin synaýdyń alǵashqy sáti tústi. Bir úıde esirtki saqtalady degen jedel aqparatty tekserý kezinde Álibek Amıgony aýlany tekserýge paıdalandy. It 100 grammnan astam marıhýana oralǵan pakettiń saqtalǵan ornyn taýyp berdi. Sóıtip alǵashqy qadam sátti boldy.
Jyl basynan beri Soltústik Qazaqstan oblysynyń polıseıleri esirtki izdeý úshin 15 ret qyzmettik-izdestirý ıtterin paıdalandy. Onyń beseýi oń nátıje berdi. Iis arqyly alynǵan esirtkiniń jalpy salmaǵy 15 keliden asty.