Maıly daqyl alqaby ulǵaıady

Bıyl Qostanaı oblysy 5,2 mln gektar alqapqa dán sińirýdi kózdep otyr. Egis alqa­bynyń ba­sym bóligin jyldaǵydaı dán­di, burshaqty daqyl alady. Al 652 myń gek­tarǵa maıly da­qyl egý josparlanǵan. Aýyl sha­­­rýa­shylyǵy mamandarynyń aıtýynsha, bıylǵy kóktemde maıly daqyl kólemi 12 myń gek­tarǵa ulǵaıady. Alqapty árta­rap­tandyrý jumystaryn tıimdi jalǵastyrý úshin dıqandardy yntalandyrýdyń jańa tetikteri de qarastyrylǵan. Bıyl otandyq óńdeý zaýyttaryna tapsyrylatyn maıly daqyl tuqymy sýbsıdııalanady. Bul maqsatqa oblys boıynsha 250 mln teńge qarastyrylyp qoıǵan.

– Egistikterdegi dándi da­qyl­dardyń úle­si áli de basym. Alqaptardyń 75%-yn dán­di da­qyl alyp jatyr, maıly da­qyldar men mal azyǵynyń úlesi – 12%. Osyǵan baı­lanysty aýyl sharýashylyǵyn odan ári ár­taraptandyrý máselesi ózekti bolyp qala beredi. Maıly daqyldardy, basqa da jo­ǵary ónimdi daqyldar kólemin ulǵaıtýǵa múmkindik mol. Soǵan qara­mastan, kóptegen sharýashylyqtar áli kúnge deıin tek bıdaı sebýmen ǵana aınalysyp keledi. Aýdan ákimdikteri jer resýrstaryn utym­­dy paıdalaný, óńdeletin da­qyl túrleriniń tizimin keńeıtý, egin sharýashylyǵyna mıneraldy tyńaıtqyshtardy engizýdi eseleý, sýarmaly eginshilikti damytý boıynsha jumystar júrgizýi qajet, – dedi oblys ákiminiń birinshi orynbasary Ǵaýez Nurmuhambetov.

Kóktemgi egis jumystaryna 23 myńǵa jýyq traktor, 1 myńǵa jýyq dán egý ke­sheni, 22 myń tu­qym sepkish tehnıka qa­tysady. Olar­dyń 85 paıyzy tanapqa shy­ǵýǵa daıyn tur. Alaıda dıqandar óńir­ge jetkizilgen 71 myń tonna jeńildikti dızel otynyn alýǵa áli de asyǵa qoıar emes. Osy­ǵan alańdaýshylyq tanyt­qan oblys ákimi óńirge jetkiziletin ja­nar­maı mólsheri sáýir, mamyr aılarynda eselenetinin, sondyqtan sharýashylyqtar qa­zir­­den bas­tap qı­myldamasa, keıin qarbalas týyp, dızel otynyn úles­tirý qı­yn­ǵa soǵa­tynyn eskertti.

– Biz oblysqa kóp jyldan beri janarmaı jetkizýmen aınalysyp kele jatqan senimdi operatorlardy saqtap qalýǵa tyrysamyz. Qazir bizge janarmaı jetkizip ber­gisi keletin fır­malar kóp. Olar­­dan kún saıyn ótinimder kelip túsýde. Eń bastysy, bizge ja­nar­­maıdy maqsatty paıdalaný má­selesi mańyzdy. Biz­diń qazirgi ope­ratorlardyń oblystyń bar­lyq aýda­nynda munaı ortalyqtary bar. Son­dyqtan, jeńildetilgen dızel otynyn alý dıqan­darǵa qı­yndyq týǵyzbaıdy, – dedi Ar­hımed Muhambetov.

Memlekettik sýbsıdııa máse­le­sine kelsek, jyldyń basyn­da óńirge 31 mlrd teńge demeýqarjy bólindi. Sonymen qatar, «Agrar­lyq nesıe korporasııasy» AQ arqyly dıqandarǵa 8,9 mlrd nesıe qarajaty berildi. Al «Azyq-túlik kelisim shart korporasııasy» 8,3 mlrd teńgege aýylsharýashylyq ónimderin for­vardtyq satyp alýdy júzege asyra bas­tady.

Qostanaı oblysy