Táýelsizdik jyldarynda respýblıkalyq mańyzy bar avtomobıl joldarynyń 13,4 myń shaqyrymǵa jýyǵy salynyp, rekonstrýksııalandy, dep habarlaıdy Egemen.kz QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.
Kanaldaǵy aqparattarǵa qaraǵanda, júrgizilgen jol jóndeý jumystary respýblıkalyq mańyzy bar tas joldardyń magıstraldyq jelisindegi buzylǵan ýchaskelerin, sonyń ishinde «Batys Eýropa – Batys Qytaı» sııaqty alty negizgi halyqaralyq tranzıttik dálizdi qalpyna keltirýge múmkindik berdi. Budan bólek, bul jyldary ýchaskelerdiń jalpy kólik úshin paıdalaný jaǵdaıy aıtarlyqtaı jaqsartyldy. Búginde Qazaqstan Respýblıkasyndaǵy jalpyǵa ortaq paıdalanylatyn avtomobıl joldary jelisiniń uzyndyǵy 96,8 myń shaqyrymdy quraıdy. 1991 jyly bul kórsetkish 86 myń shaqyrymdy quraǵan bolatyn.