Túrkııadaǵy Antalya Cup-2021 halyqaralyq týrnırine qatysyp jatqan fýtboldan Qazaqstan jastar quramasy (U-21) jarysty jeńispen bastady.
Soltústik Makedonııadan kelgen qurdastarymen jasyl alańda kezdesken Qaırat Nurdáýletovtiń shákirtteri qarsylastarynan 2:1 esebimen basym tústi. Matchtyń 54-mınýtynda «Astana» klýbynyń qorǵaýshysy Saǵı Sovet esep ashsa, 73-mınýtta Abylaıhan Jumabek tablodaǵy kórsetkishti eseleı tústi. Aıta keteıik, Soltústik Makedonııa quramasy byltyr 2021 jylǵy Eýropa chempıonatynyń irikteý kezeńinde jerlesterimizdi óz jerimizde 4:1 esebimen tize búktirgen edi.
Bizdiń jigitter kelesi oıynyn búgin Bolgarııa jastar quramasymen ótkizedi. Kezdesý elorda ýaqytymen 20:00-de bastalady. Al 28 naýryzda О́zbekstan fýtbolshylarymen kezdesedi.