27 naýryzda Nur-Sultan qalasynda «Jer saǵaty» búkil ǵalamsharlyq aksııasy aıasynda 150-den astam nysan elektr qýatynan ajyratylady. Elordanyń kóptegen nysandary osy ýaqytta syrtqy sándik jaryqtaryn sóndiredi.
Aksııanyń negizgi maqsaty – ǵalamshar resýrstaryna jaýapty jáne uqypty qaraýǵa adamdardyń nazaryn aýdarý. Jyl saıyn 180 elden mıllıondaǵan adamdar 1 saǵatqa jaryq pen elektr qurylǵylaryn sóndiredi.
Álemniń myńdaǵan sáýlet eskertkishteri: Eıfel munarasy, Bıg Ben, Kolızeı óz jaryqtaryn sóndiredi.
Qazaqstanda «Jer saǵaty» aksııasy jyl ótken saıyn tanymal bolyp keledi. Eger buryn bul naýqandy tek iri qalalar qoldasa, sońǵy eki jyl qatarynan eldiń barlyq óńirleri aksııaǵa qosylyp jatyr.
Aksııanyń uıymdastyrýshylary: Ekologııa, geologııa jáne tabıǵı resýrstar mınıstrligi, Qazaqstannyń ekologııalyq uıymdarynyń qaýymdastyǵy, «Halyqaralyq jasyl tehnologııalar jáne ınvestısııalyq jobalar ortalyǵy» KEAQ, «Jasyl» ekonomıka jáne G-Global-dy damytý koalısııasy» ZTB, «QazExpoCongress» ulttyq kompanııasy» aksıonerlik qoǵamy, «Eco Fund Tabigat» qoǵamdyq qory, sondaı-aq oblystyq, qalalyq jáne aýdandyq ákimdikter.
Jergilikti ýaqyt boıynsha 20:30-da elordada kelesi nysandardyń syrtqy sándik jaryǵy óshiriledi: Astana-Arena, Alaý Muz aıdyny, Barys Arena, Qazmedıa Ortalyǵy, Máńgilik El monýmenti (trıýmfaldy arka), NUR ALEM bolashaq energııasy murajaıy, Astana Opera opera jáne balet teatry, Saraıshyq kóshesindegi M2 kópiri, Syǵanaq kóshesindegi M3 kópiri, Astana-Báıterek monýmenti, Talan Towers BO, «QTJ» AQ ǵımaraty, Nur-Álem sferasy, Han ShatyrSOO, «Ailand» ODO, Mega Silk Way SOO, «Sary arqa» SOO, Nazarbaev Ýnıversıtet, «Jekpe-Jek» SK, «Aq Orda» Prezıdent Rezıdensııasy, Haziret Sultan meshiti, QR Ulttyq murajaıy, Shabyt shyǵarmashylyq saraıy, Táýelsizdik saraıy, Beıbitshilik jáne Kelisim saraıy, Qazaq Eli monýmenti, Oqýshylar saraıy, IIM ǵımaraty, sondaı-aq 150-den astam turǵyn úı keshenderi.