Apple kompanııasynyń negizin qalaýshy Stıv Djobstyń jumysqa turý úshin jazylǵan anketasy Charterfields aýksıonynda 162 myń fýntqa (shamamen $222 myń) satylyp ketti, dep habarlaıdy Egemen.kz rosbalt.ru saıtyna silteme jasap.
Aýksıon uıymdastyrǵan kompanııanyń saıtyndaǵy derekke sensek, túıindemeni Djobs 1973 jyly ózi toltyrǵan.
Bul onyń kolledjdegi oqýyn tastap, Atari kompanııasyna tehnıkalyq maman retinde jumysqa ornalasqan kezi bolsa kerek. Dál osy Atari-de Djobs Stıv Voznıakpen tanysyp, arada úsh jyl ótken soń, 1976 jyly Apple kompanııasynyń negizin qalady.
Aıta keteıik, aýksıon 24 aqpan men 24 naýryz aralyǵynda ótti.