Elordada 25 naýryzdan 26-syna qaraǵan túni 76 myń tekshe metrge jýyq qar shyǵaryldy. Qar kúreý jumysyna 1 148 arnaıy tehnıka men 188 jol jumysshy jumyldyryldy, dep habarlaıdy Egemen.kz qala ákimdiginiń resmı saıtyna silteme jasap.
Sońǵy kúnderi elordada aılyq normadan birneshe ese kóp qar jaýdy. Nur-Sultannyń kommýnaldyq qyzmetteri eki aýysymdy rejımde jumys istep júr. О́tken táýlikte qaladan 140 myń tekshe metrge jýyq qar shyǵaryldy.
Búgin elordada qar kúreý jumysyna 1 800-den astam jol jumysshy men 1 500-ge jýyq arnaıy tehnıka jumyldyryldy.
Aıta keteıik, ereje boıynsha birinshi kezekte joldarda keptelis bolmaýy úshin qozǵalysy óte qarqyndy ýchaskelerdiń qary kúreledi. Odan ári ortasha qarqyndy ýchaskeler – alańdar, vokzal mańyndaǵy aýmaqtar, trotýarlar jáne t.b. oryndar tazartylady.
Jınalǵan qar elordada ornalasqan 11 polıgonǵa shyǵarylady. Polıgondarda baqylaý úshin foto jáne beınekameralar ornatylǵan. Qys mezgili bastalǵaly beri elordadan 4 774 244 tekshe metr qar shyǵaryldy.