Sot saraptamalary organdarynyń tehnıkalyq jáne tehnologııalyq jaǵynan zamanaýı talaptarǵa saı qyzmetterdi jańa ǵımarattarda ornalastyrý máselesi sheshilýde, dep habarlaıdy Egemen.kz OKQ-ǵa silteme jasap.
«Qazirgi kezde Nur-Sultan jáne Almaty qalalarynda Sot saraptamalary ınstıtýtynyń úlgilik ǵımaratynyń qurylysy júrgizilýde. О́tken jyly Atyraý qalasynda oblys ákimi jańa ǵımarat salyp, Ádilet mınıstrligine sot-saraptamanyń ornyn aýystyrý úshin ótinish berdi. Bul jumystar jalǵasady. 2021-2025 jyldary respýblıkanyń taǵy 6 óńirinde: Shymkent, Qaraǵandy, Jambyl, Qostanaı, Pavlodar jáne ShQO ǵımarattar salý josparlanýda», dedi M.Beketaev.
Budan basqa, sala reformasy aıasynda sıfrlandyrý jáne avtomattandyrý jumystary júrgizilýde. «E-Saraptama» aqparattyq júıesi ázirlendi. Ony «Tórelik», «E-qylmystyq is» jáne «E-lısenzııalaý» aqparattyq júıelerimen shoǵyrlandyrý boıynsha jumys júrgizildi. Bıyl paıdalanýǵa qosý josparlanǵan.