«Qazaqkonsert» uıymy dúnıejúzindegi eń aýqymdy bastama – «Jer saǵaty» búkilálemdik aksııasyna qatysty, dep habarlaıdy Egemen.kz.
Saǵat 20:30-da «Qazaqkonsert» uıymyna qarasty elimizdiń eń úlken «QAZAQSTAN» ortalyq konsert zaly ishki jáne syrtqy jaryq quraldaryn sóndirdi. Álemniń úzdik arhıtektýralyq jobasy bolyp sanalatyn «QAZAQSTAN» konsert zaly ekologııalyq máselelerge beı-jaı qaramaıtyndyǵyn kórsetti.
Ekologııa, geologııa jáne tabıǵı resýrstar mınıstrliginiń uıymdastyrýymen júzege asqan aksııaǵa elordadaǵy ózge de 150 nysan qatysyp, elektr qýatynan ajyratyldy.
Jalpy, dúnıejúzine tanymal aksııaǵa jyl saıyn 180 elden mıllıondaǵan adam qatysyp, 1 saǵatqa jaryq quraldaryn óshiredi. Olardyń qatarynda Báıterek monýmenti, Eıfel munarasy, Bıg Ben, Kolızeı sııaqty álemniń tanymal sáýlet eskertkishteri de bar. Bir saǵattyq aksııa ǵalamshardy birden qalpyna keltirmese de, aýany lastaıtyn elektr qýatyn bir saǵatqa tejep, qashyqtyqqa qaramastan adamzattyń birlesýine óz úlesin qosady.