Oral qalasynda kópqabatty úıde órt shyǵyp, 25 adam evakýasııalandy, dep habarlaıdy Egemen.kz.
BQO TJ departamentiniń baspasóz qyzmeti málim etkenindeı, 27 naýryz kúni saǵat 23.28-de L.Mırzoıan kóshesi 2/1 mekenjaıy boıynsha kópqabatty úıde órt shyqqany jóninde habar tústi.
Belgili bolǵandaı, 5-qabattaǵy 89-páterdi tilsiz jaý jalmap, jeke zattary men jıhaz janyp ketken. Abyroı bolǵanda, zardap shekkender joq.
О́rt sóndirýshiler 45 mınýttaı otpen arpalysqan. Nátıjesinde «qyzyl jalyn» 00.15-te aýyzdyqtaldy.
Qazirgi kezde órttiń shyǵý sebebi, keltirilgen shyǵyn anyqtalý ústinde.