Syr boıynda jyl basynan beri 7 529 otbasyna ataýly áleýmettik kómek tólendi. Olardyń arasynan eńbekke jaramdy 1 828 adam jumyspen qamtylǵan. Onyń ishinde 812-si turaqty jumysqa ornalasypty.
– Memleket tarapynan bólinetin járdemaqylar, áleýmettik kómekterden bólek jyl saıyn qaıyrymdylyq aksııalary uıymdastyrylyp otyrady. Byltyr kómekke muqtaj 14 myńnan astam otbasyna 161 mln teńgeniń azyq-túligi jáne turmysqa qajetti zattar berildi. Al bıyl «Qaıyrymdy ister marafony» jobasy aıasynda 1000-nan astam otbasyna kómek kórsetildi. Jaqynda óńirimizde respýblıkalyq «Halyq» jáne «Bereke» qaıyrymdylyq qorlarynyń bastamasymen júzege asatyn «Halyq berekesi» áleýmettik jobasynyń tanystyrylymy ótti. Bul joba kómekke muqtaj otbasylardy daǵdarys jaǵdaıynan shyǵarýǵa múmkindik beredi. Qazir úılestirý jumystary júrgizilýde, – deıdi oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Gaýhar Qalmaqova.
О́ńirde belsendi azamattardyń bastamasymen túrli deńgeıdegi áleýmettik jobalar iske asyp, muqtajdarǵa kómekter kórsetilip keledi. Aıtalyq, 2019 jyly oblys ákimdiginiń bastamasymen «Bolat О́temuratov qory» qarajaty esebinen 100 otbasy turǵyn úımen qamtylǵan.
Byltyr jeke sharýashylyq jáne kásiporyndar kómegine súıengen jastar birlestikteri bastamasymen asarlatyp úıler salynyp, az qamtylǵan kóp balaly 20 otbasy baspanaǵa qol jetkizdi.
QYZYLORDA