Bul kúnderi AQSh-tyń Florıda shtatynda ótip jatqan tennısten Maıamı WTA 1000 jarysy óziniń sharyqtaý shegine jaqyndap keledi. Halyqaralyq asa iri dodada baq synaǵan bes otandasymyzdyń tek ekeýi ǵana 1/16 fınalǵa joldama aldy.
Máselen, erler arasynda Qazaqstannyń birinshi, álemniń 44-raketkasy Aleksandr Býblık atalǵan týrnırdiń ekinshi aınalymynda reıtıngte 57-orynda turǵan serbııalyq Laslo Deremen kezdesip, eki sette 6:3, 6;4 nátıjesimen jeńiske jetti. Endi Býblık tórtinshi aınalymǵa shyǵý úshin álemniń 104-raketkasy aýstralııalyq Djeıms Dakvortpen oınaıdy.
Sonymen qatar qyzdar arasyndaǵy elimizdiń birinshi raketkasy Elena Rybakına da úshinshi aınalymǵa shyqty. Osy dodanyń 21-raketkasy bolyp tirkelgen ol dúnıejúzilik reıtıngte 64-satyǵa jaıǵasqan estonııalyq tájirıbeli tennısshi Kaııa Kanepıdi esh qıyndyqsyz eki sette 6:4, 6:0 esebimen tize búktirdi. Rybakına pleı-off kezeńine shyǵý úshin álemniń 58-raketkasy ıspanııalyq Sara Sorrıbes-Tormomen sheberlik baıqasady.
О́kinishke qaraı, alǵashqy aınalymda áıgili Vınýs Ýılıamsty jeńgen Zarına Dıas ekinshi kezeńde shveısarııalyq Belında Benchıchten, al Mıhaıl Kýkýshkın reseılik Aslan Karasevten jeńilip, jarysty erte aıaqtaýǵa májbúr boldy.