Bul týraly Petropavl qalasy Polısııa basqarmasynyń bastyǵy polkovnık Jandos Muqatov qala turǵyndarynyń aldynda bergen esebinde aıtty. Kezdesýge Petropavl qalasynyń ákimi Bolat Jumabekov, oblystyq Polısııa departamentiniń bastyǵy, polısııa polkovnıgi Marat Tólebaev, qalalyq máslıhattyń depýtattary Arman Berdiǵulov, Keńes Muqyshev jáne t.b. qatysty.
Tirkelgen qylmystardy ashý deńgeıi -61,3% bolǵan. Al qasaqana adam óltirý, aýyr dene jaraqattaryn salý, tonaý, qaraqshylyq, zorlaý, buzaqylyq, urlyq, avtokólikti aıdap ketý sııaqty qylmystar sany azaıǵan. Esesine alaıaqtyq faktileri 44,2%-ǵa artqan. Onyń 70%-y aldaý jáne baılanyssyz, ıaǵnı aqparattyq júıe paıdalanýshylarynyń senimin paıdalaný jolymen jasalǵan. Sonymen qatar 102 esirtki quqyq buzýshylyǵy tirkelgen, onyń ishinde 47-si satý faktisi. Zańsyz aınalymnan 294 kg esirtki zaty alyndy, onyń ishinde 489 gr geroın.
Qala joldarynda jol-kólik oqıǵalary 19,1%-ǵa artqan. 410 beıne baqylaý kameralarynan turatyn qalalyq beınebaqylaý júıesiniń kómegimen 721 qylmys ashylyp, 14 myńnan astam quqyq buzýshylyq tirkelipti.
PETROPAVL