AQSh-ta ótip jatqan tennısten Maıamı ATP 1000 týrnıriniń tórtinshi aınalymyna qazaqstandyqtardan tek Aleksandr Býblık qana joldama aldy.
Qazaqstannyń birinshi, álemniń 44-raketkasy sanalatyn Aleksandr Býblık úshinshi aınalymda dúnıejúzilik reıtıngte 104-orynda turǵan aýstralııalyq Djeıms Dakvortpen kúsh synasty. 1 saǵat 23 mınýtqa sozylǵan básekede otandasymyz eki sette 6:4, 6:4 esebimen jeńiske jetip, qazaqstandyq tennısshiler arasynda jalǵyz ózi kelesi kezeńge shyqty. Endi Býblık shırek fınalǵa shyǵý úshin álemniń 32-raketkasy amerıkalyq Teılor Frıtspen sheberlik baıqasady. Ol óz kezeginde úshinshi aınalymda ulybrıtanııalyq Kemeron Norrıdi 6:4, 3:6, 6:1 esebimen tize búktirdi.
О́kinishke qaraı, Býblıkpen birge týrnırdi sátti jalǵastyryp kele jatqan Elena Rybakına úshinshi aınalymda jeńiliske ushyrap, jarystan shyǵyp qaldy. Osy jarystyń 21-raketkasy bolyp tirkelgen Rybakına úshinshi aınalymda dúnıejúzilik reıtıngte 58-orynda turǵan ıspanııalyq Sara Sorrıbes-Tormomen jolyǵyp, tartysy ótken oıynda 6:3, 6:2 esebimen qarsylasyna jol berdi.