Taldyqorǵan qalasyndaǵy “Jastar” sport kesheninde 27-28 naýryz kúnderi ótken djıý-djıtsýdan el chempıonaty ótti. Onda elordalyq sportshylar 20-ǵa jýyq medal jeńip aldy, dep habarlaıdy Nur-Sultan ákimdiginiń resmı saıty.
Jarystyń alǵashqy kúni faıtıng-sıstem bóliminde 77 keli salmaqta synǵa túsken sportshymyz Baqqýar Hamze fınaldyq kezdesýde atyraýlyq Alısher Aqjigitovti utyp, jeńis tuǵyrynan kórindi.
Al nevaza bóliminde (69kg) synǵa túsken Islam Mamılov fınalda Nurjan Batyrbekovtan basym túsip, birinshi oryn ıegeri atandy.
Áıelder arasynda ne-vaza bóliminde Galına Dývanova (57 kg) men Madına Iskazınalar (48 kg) qarsylas shaq keltirmedi. Qyzdarymyz elorda quramasynyń qorjynyna taǵy eki altyn júldeni saldy.
Sonymen qatar, faıtıng sıstem bóliminde Rıza Sabıtovamen (48 kg) ne-vaza bóliminde Narıman Myńbaev (62 kg), Dáýren Aıtenov (+94 kg) kúmis júldege qol jetkizse, ne-vazada Genıshev Bılal (94 kg), Igor Kýhar (94 kg), Aıgúl Samat (63 kg) qolany qanaǵat tutty.
Jalpy komandalyq esepte elorda quramasy júldeli ekinshi oryndy jeńip aldy. Birinshi oryndy Almaty oblysynyń quramasy, al úzdik úshtikti Mańǵystaý oblysy qorytyndylady.
Eki kúnge sozylǵan chempıonatqa elimizdiń 14 óńirinen tórt júzden asa sportshy qatysty. Jarys karantın talaptaryna saı kórermendersiz ótti.