Elordada naýryz aıy «Qaıyrymdy ister» uranymen ótti, onyń aıasynda eriktiler qalanyń muqtaj otbasylaryna azyq-túlik sebetterin tapsyrdy, dep habarlaıdy Nur-Sultan ákimdiginiń resmı saıty.
Olardyń árqaısysynyń salmaǵy — shamamen 25-27 kılogramm, ishinde 20-ǵa jýyq azyq-túlik pen turmystyq hımııa ónimderi bar. Onyń ishinde jarma, makaron, kúnbaǵys maıy, kúrish, qaraqumyq, qant, shaı, un, túrli táttiler, balalarǵa arnalǵan kámpıtter, sondaı-aq kir jýǵysh untaq, sabyn, sýsabyn bar.
Bıyl Naýryz meıramyn atap ótý barysynda qaıyrymdylyq aksııalary men ıgi ister basty nazarǵa alyndy. Mereke kúnderiniń ózinde áleýmettik az qamtylǵan, kópbalaly jáne erekshe qajettilikteri bar balalardy tárbıelep otyrǵan otbasylarǵa tórt myńǵa jýyq azyq-túlik sebeti taratyldy.
Esterińizge sala keteıik, sebetterdi taratý aksııasy osy jyldyń naýryz aıynda ótkizildi.
Oǵan máslıhat depýtattary, Halyk Bank, mesenattar, kásipkerler, eriktiler, sondaı-aq qalanyń turǵyndary belsene aralasty.
Sonymen qatar, eriktiler muqtaj jandardyń, jalǵyzbasty qart adamdardyń aýlasynyń qaryn kúreýge kómektesti.
Aıta ketý kerek, aksııalar qatań sanıtarlyq normalar men talaptardy saqtaı otyryp ótkiziledi.