Aınurdyń «Alaqaıy» jeńimpaz atandy

Birinshi maýsymǵa qatysý úshin elimizdiń barlyq óńirinen múmkindigi shekteýli bala­lar­dyń analary, kóp balaly analar shaqyrylǵan. Amway qa­ıyrymdylyq qory, QHA Ká­sipkerler qaýymdastyǵy, «Ata­meken» UKP jáne «Qazaqstan ká­sipkerleriniń forýmy» qa­ýym­dastyǵy uıymdastyrǵan jo­ba shartyna sáıkes kásipker ana­lar bıznes-ıdeıalaryn ózderi qorǵap shyǵýy qajet. «Kásipker-ana» áıelder kásipkerligin damy­tý jónindegi bilim berý baǵdar­la­masy kámeletke tolmaǵan balalary bar jáne dekrettik demalysta otyrǵan analarǵa arnalǵan. Olarǵa óz bıznesin bastaý arqyly otbasyna qamqorlyq kórsetý men kásibı tulǵalyq damýdy qatar alyp júrýdi mindet etken jobaǵa 500-den astam ótinish túsken. О́ti­nish berýshiler tigin jáne tamaq óndirisi, eresekter men bala­larǵa qosymsha bilim berý sala­syn­da­ǵy jobalardy júzege asyrýdy maqsat etedi.

Joba iri qalalardyń tur­ǵyndaryna ǵana emes, shalǵaı eldi mekenderde turatyn analarǵa da tegin oqýdan ótýge múmkindik berdi. On tórt kún boıy qatysý­shylar ónimdi qurý jáne marketıng negizderin, qarjylyq jáne salyqtyq saýattylyq barysyn zerttep, jeke bıznes-jospar jasaýdy jáne aımaqtyń bıznes-sarapshylarynan jobalardy tanystyrý daǵdylaryn úırendi. Irimshik jasaý, trıkotaj kıimderi men áleýmettik taqyryptarǵa pod­kasttardy óndirý, shaǵyn kon­dıterlik dúkender ashý, aǵylshyn tiline oqytýǵa arnalǵan saıt, sheteldikterdi orys tiline onlaın oqytý jáne taǵy basqa bolashaǵy bar bıznes-jobalar arasynan úzdikterin anyqtaý qazylar alqasy úshin qıynǵa soqty.

Bıznes-jobalar baıqaýynda birinshi oryndy mektep jasyna deıingi jáne múm­kindigi shekteýli balalarǵa arnalǵan fetr men matadan ja­salǵan ádistemelik quraldardy óndiretin «Alaqaı» jobasynyń jetekshisi Aınur Djerembaeva ıelendi. Ol osy ıdeıa­ny júzege asyrýdy kópten beri oılap júr­gen.  Defektolog maman­nyń aıtýynsha, mo­torıkany damytýǵa jáne sóıleý da­ǵ­dy­laryn qalyptastyrýǵa kó­mektesetin arnaıy quraldardyń ar­tyqshylyǵy kóp. Alaıda dú­kender men ınternet saıttardan ondaı quraldardy tabý qı­yn. Arnaıy quraldar tapshy bol­ǵandyqtan, joba avtory 1 jas­tan asqan balalarǵa kómektesetin ónimdi ózi jasap shyǵarýdy oılas­tyrady. Aldaǵy ýaqytta mun­daı quraldar «Kásipker-ana» joba­synyń nátıjesinde ba­lalarǵa qol­jetimdi bolmaq.

ALMATY