Túrkııanyń Antalııa qalasynda ótken fýtboldan Antalya Cup 2021 halyqaralyq týrnırinde baq synaǵan Qazaqstannyń jastar quramasy (U-21) sońǵy týrda О́zbekstan fýtbolshylarynan jeńilip qaldy.
24-29 naýryz aralyǵynda uıymdastyrylǵan týrnırde Qaırat Nurdáýletov shákirtteri úsh oıyn ótkizdi. Qazaqstan quramasy alǵashqy kezdesýde Soltústik Makedonııa jastaryn 2:1 esebimen jeńse, keıingi matchta bolgarııalyq qurdastarynan jeńilip qaldy. Qorytyndy esep – 3:1. Bizdiń jigitter jarystaǵy sońǵy oıynyn ózderinen eki jas úlken О́zbekstannyń olımpıadalyq quramasymen (U-23) ótkizip, 0:2 esebimen utyldy. Jerlesterimiz ekinshi goldy da eki taımnyń sońǵy mınýttarynda ótkizip aldy.
Endi Qazaqstannyń U-21 quramasy jastar arasyndaǵy 2023 jylǵy Eýropa chempıonatynyń irikteý týrnırine daıyndalady. Alǵashqy kezdesýin maýsymnyń 4-i kúni Belgııa quramasymen ótkizedi.