Keshe, 30 naýryz kúni Aqmola oblysyndaǵy polısııa bólimshesine tikushaqtyń qulaǵany jaıly habar tústi, dep habarlaıdy Egemen.kz.
«30 naýryzda Selınograd aýdanynyń kezekshi bólimine beıtanys bireý uıaly telefon arqyly qońyraý shalyp, 96-stansııanyń mańyna tikushaq qulaǵany týraly habarlaǵan. Alynǵan aqparatty tekserý úshin oqıǵa ornyna jedel tergeý toby bardy», dep habarlady Aqmola oblysy ákimdiginiń baspasóz qyzmeti.
Tekseris nátıjesinde,sol kúni taǵy bir aýyl turǵyny 109-ǵa qońyraý shalǵany belgili boldy. Ol da Yntymaq aýylyndaǵy 96-shy beket janynda ushaq qulaǵanyn, al turǵyn janyp jatqan tikushaq tútinin óz kózimen kórgenin habarlady.
Polısııa qyzmetkerleri bul aqparattyń barlyǵy aýyl turǵyndarynyń bir-birinen esitip alǵan alyp-qashpa áńgimesi ekenin anyqtady. Tekserý nátıjesinde telefon habarlamasynda kórsetilgen aqparat rastalmaǵan.