Búgin Nur-Sultanda polısııa qyzmetkerlerine ekpe jasalýda, dep habarlaıdy qala ákimdiginiń resmı saıty.
Qalanyń Polısııa departamenti emhanasynyń terapevt dárigeri Aıdana Ábdipattanyń aıtýynsha, qazir «Spýtnık V» vaksınasyn alýǵa ýchaskelik polıseıler men ishki ister salasynyń ardagerleri kelip jatyr.
«Olar halyqpen tikeleı jumys isteıtindikten ekpe alýǵa ózderi kelýde. Biz medısınalyq talapqa saı, vaksına salý jaıly olarǵa túsindirip, tanystyryp jatyrmyz. Talabymyzǵa sáıkes qarap, baqylap, sosyn ǵana jumysymyzǵa kirisemiz. Búginge deıin qarsy kórsetkishter bolǵan emes. Bizde bári talapqa saı júrgiziledi», dedi Aıdana Ábdipatta.
Ekpe jasatqandardyń biri – Nur-Sultan qalasy patrýldik polısııa ınspektory, aǵa leıtenant Sáken Tasqyn.
«Búgin men vaksına saldyrdym. Qazirgi sátte ózimdi óte jaqsy sezinip turmyn. Halyqpen jumys istep júrgendikten óz erkimmen ekpe salǵyzdym», dedi Sáken Tasqyn.