Almatyda kóp páterli úıde taǵy bir esirtki zerthanasy jumys istegeni anyqtaldy, dep habarlady Polisia.kz.
Ony 27 jastaǵy almatylyq uıymdastyrǵan. Ol kórshi úıden páter jaldap, sıntetıkalyq esirtki óndirisin bastaǵan, daıyn ónimdi kóterme de, bólshektep te satqany anyqtaldy.
«Arnaıy sharany bizdiń bólimniń qyzmetkerleri arnaıy bólim sarbazdarynyń jáne arnaıy daıyndalǵan qyzmettik-izdestirý ıtimen kınologpen birge ótkizdi. Sh. esimdi azamattyń negizgi turǵylyqty jeriniń janynda ornalasqan jaldamaly páterinde ruqsat etilgen tintý kezinde «mefedron» sıntetıkalyq esirtki zattaryn óndirýge arnalǵan komponentter men jabdyqtar tárkilendi. Sot-hımııalyq saraptama tárkilengen zattardyń psıhoaktıvti zattarǵa jatatynyn rastady. Kúdikti qylmystyq jaýapkershilikke tartylyp, PD ýaqytsha ustaý ızolıatoryna qamaldy. Sotqa deıingi tergeý júrip jatyr», dedi Almaty qalalyq Polısııa departamenti Esirtki qylmysyna qarsy kúres basqarmasynyń bastyǵy Erlan Almaǵambetov.